السفر إلى كندا

تجارب ناجحة في الهجرة لكندا – تعلم من تجارب الأخرين

إوتاوا - صوت كندا /

نقدم لكم من صوت كندا تجارب ناجحة في الهجرة واللجوء لكندا

تجدون في هذا التقرير المعلومات التالية

هل تستعد لرحلة أو سوف تسافر لأي مكان بالعالم .. سجل هنا لتحصل على تخفيضات بالفنادق تصل ل90 % اضغط هنا

الهجرة لكندا بدون ترشيح مقاطعة
تجربتي في الهجرة إلى كندا (خطوة بخطوة)
تقيم الشهادات وامتحان الأيلتس للهجرة
Express Entry – Federal Skilled Worker – Outland
كشف حساب بنكي للهجرة لكندا
السفر لكندا من التقديم وحتى القبول
تجربتي الهجرة الى كندا
هل كندا تستحق الهجرة
الحياة في كندا للمهاجرين
العمل في كندا للمهاجرين
الهجرة الى كندا 2020
دولة كندا الهجرة
حياتي في كندا
الهجرة الى كندا من السعودية
شرح الهجرة الى كندا
الحياة في كندا للمهاجرين
الهجرة الى كندا 2020
نقاط الهجرة الى كندا

اليكم تجربة ناجحة
إن شاء الله هكتب لكم كل اللي مريت بيه من أول ما نويت اني أهاجر لحد ما جاتلي الفيزا
البوست هيكون طويل جدا
بسم الله
أولا انا طالعت هجرة Express Entry – Federal Skilled Worker – Outland
يعني بدون ترشيح مقاطعة

****** البداية ******
– انا دكتور اسنان بس وبتقدير عام جيد وكنت عندي هوايه البرامجه اكتر
كان لسة برنامج الإكسبرس انتري مش موجود. كان في برنامج تاني وكان بياخد وقت أطول من الاكسبرس انتري
المهم فضلت من 2014 ل 2015 بشتغل مترجم فريلانسر وبذاكر وباخد كورسات برمجة
بعد كدة قدمت في منحة معهد تكنولوجيا المعلومات ITI
http://iti.gov.eg/Site/PTPProgram
اتقبلت فيها في تخصص برمجة الألعاب
اتخرجت في يونيو 2016
اشتغلت مبرمج العاب في شركة في اسكندرية في يوليو 2016
وكمان اكتشفت ان المنحة ينفع تتقيم على انها دبلومة سنة (زودتني 25 درجة) ودي حاجة مكانتش في دماغي خالص وأنا بقدم
في شهر ديسمبر 2016 قررت أرجع تاني اشتغل فريلانسر
فضلت على الوضع ده لمدة سنة ونص. أشتغل 14 ساعة في اليوم 7 أيام في الاسبوع بدون ولا يوم راحة

لدرجة ان علاقتي بصحابي وأهلي اتدهورت شوية
كدة كل حاجة موجودة فاضل اقيم الشهادات وامتحان الأيلتس

*****WES & IELTS******

بالنسبة للأيلتس كانت عقبة ليا وخصوص بعد تجربة اربع مرات واختارت طريقه غير شرعيه واتنصب عليا مرتين من حد اردني بس اعمل ايه
انا كنت محتاجه عشان حاجة تانية ومستعجل عليه
الحمد لله لقيت حد كويس عن تجربة مع دكاتر زميلي سافرو بيها ساعدني فيها وطلعها لي بسكور 8

بالنبسة لWES
عملت حساب ودفعت الفلوس اختارت ان معايا بكالوريوس ودبلومة
قالولي ابعت الشهادة وبيان الدرجات بتوع البكالوريوس وبيان الدرجات بس بتاع الدبلومة
روحت حطيت ورق البكالوريوس في ظرف عليها شعار الكلية وخليتهم يمضول يختموا على لسان الظرف. ونفس الموضوع مع الدبلومة
وارسلت الظرفين مع بعض عن طريق أرامكس ب800 جنيه
بعد مال الورق وصل WES
لاقيتهم بيقولولي ابعتلنا الشهادة بتاعة الدبلومة
قولتلهم مش انتوا قولتوا عايزين بيان الدرجات بس
قالولي يا عم اخلص وابعت الشهادة خلينا نقيملك حاجتك ماتقرفناش معاك بقى 1f603:D
صورت الشهادة وروحت المعهد كتبوا عليها انها Original Copy
وختموا ومضوا عليها واتحطت في ظرف ونفس القصة تاني وارسلتها تاني مع أرامكس ب800 جنيه تــــــــــاني
يوم 4 سبتمبر2017 (بعدها بشهر تقريبا) جالي إيميل انهم خلصوا التقرير دخلت على حسابي لاقيتهم قيموا الشهادتين.
انا كنت مجهز الملف بتاعى على موقع دايرة الهجرة واللاجئين والجنسية الكندية IRCC
https://www.canada.ca/…/i…/services/application/account.html
كان واقف بس على رقم التقرير بتاع WES
في نفس اليوم كنت قدمت الملف والسكور بتاعي كان 443
تاني يوم اللي هو 5 سبتمبر كان في سحبة من 440
يوم 5 سبتمبر بالليل لاقيتهم باعتنلي الدعوة اني أقدم

***** تجهيز الورق *****

من يوم ما بيجيلك الدعوة انك تقدم بيكون قدامك 60 يوم تجهز فيها كل الورق وتقدمه
الأوراق المطلوبة كالتالي:
– كشف حساب بنكي لاخر 6 شهور فيه على الأقل 12600 دولار كندي أو ما يعادلهم بأي عملة تانيةز ويكون كشف الحساب مختوم وممضي من مدير الفرع
– تجميع شهادات وبيان درجات الكلية والدبلومة وتقييم WES في ملف PDF واحد
– شهادة مختومة وممضية من صاحب العمل (صورتها مرفقة مع البوست)
– الكشف الطبي
– صحيفة الحالة الجنائية (الفيش)
– صورة الباسبورت
– صورة شخصية
– خطاب توضيحي Letter of Explanation (بتكتب فيه أي تفاصيل عايز توضحها بخصوص الورق اللي انت مقدمه)
بالنسبة للكشف الطبي مفيش غير مكان واحد في مصر هو اللي هتروح تعمل فيه الكشف الطبي في الدقي
IOM MHAC Cairo Clinic
عنوانه: شارع عبد القوي شمس الدين، متفرع من شارع لطفي حسونة، الدقي، الجيزة – خلف قسم العجوزة، مبني عيادات مكة الدور الرابع، بالقرب من مستشفي مصر الدولي
بتبعتلهم إيميل انك عايز تحدد معاد للكشف على الأيميل ده MHACCairoClinic@iom.int
بيردوا عليك في يومها بالمعاد بتاعك
الأسعار للبالغين 165 دولار أمريكي
الأطفال من 11 ل15 سنة 110 دولار أمريكي
الأطفال من 10 سنوات وأقل 90 دولار أمريكي
بتروح في معادك بتاخد رقم ولما يجي دورك بتروح تملى ملف كدة مع موظفة الاستقبال وبعد كدة بتتصور وبعدين تلف على العيادات كلها
كان في كشف نظر وأشعة على الصدر وتحليل دم وبول (خلي بالك الحمامات هناك مفيش فيها ماء) دي الحاجات اللي فاكرها
بعد كدة بتاخد منهم ورقة كدة مختومة وممضي عليها انك عملت الكشف. وهي الورقة دي اللي بتعملها سكان وبترفعها في حسابك في خانة الكشف الطبي
بالنسبة للفيش
بتعمل فيش عادي وتخليه موجه لدايرة الهجرة واللاجئين والجنسية الكندية
(الكلام اللي جاي ده بخصوص ترجمة الفيش ينطبق على اسكندرية – معنديش فكرة باقي المحافظات هيكون نفس الكلام ولا لأ)
بتاخده وتروح مديرية الأمن تسأل على مكتب الأدلة الجنائية وتقولهم يختمولك الفيش
وبعدين تطلع على الخارجية في سان ستيفانو تخليهم يوثقولك الفيش
وبعدين تطلع على مجمع المحاكم في المنشية في الدور التامن قسم الترجمة يترجموهولك
لما روحتلهم بالفيش منغير ختم الأدلة الجنائية وتوثيق الخارجية مارضيوش يترجموه
أهم حاجة تكتب للمترجم اسمك بالانجليزي عشان يكون زي اسمك في الباسبور
ويستحسن كمان تكتبله ترجمة دايرة الهجرة واللاجئين والجنسية الكندية Immigarion, Refugees and Citizenship Canada

في القاهرة ممكن تترجم في وزارة العدل قسم الترجمة في الدور 13
معرفش هتحتاج تختم من الأدلة الجنائية وتوثق من الخارجية ولا لأ
كدة خلصنا تجهيز الورق

***** من التقديم وحتى القبول *****

خلصت الورق وقدمت الملف يوم 15 أكتوبر (يوم عيد ميلادي ال29)
يوم 15 نوفمبر طلبوا مني اروح ايصم واتصور في VFS Global اللي في الدقي
وكمان طلبوا مني ورقة مستند إضافي أملاه اسمه Scdedule A
https://www.canada.ca/…/ircc/en…/pdf/kits/forms/imm5669e.pdf
فضلوا مفيش خبر لحد يوم 15 مارس2019طلبوا مني املاهم مستند خاص بتفاصيل الخدمة العسكرية
يوم 4 أبريل الساعة 3 الفجر قاعد ماسك الموبايل لاقيت إيميل جالي. بفتحه لاقيته الايميل اللي كنت مصوره في البوست اللي فات (أيوة الإيميل جايلي من يوم 4 أبريل)
فضلت باصص في الإيميل وفاتح بقي زي العبيط يجي خمس دقايق 1f62e:O مش مصدق اللي أنا شايفه وحاسس اني بحلم 1f603:D
مجهود وتعب السنين اللي فاتت كلها جاب نتيجة الحمد لله
كانت من أسعد لحظات حياتي
كان كل اللي في البيت نايمين وانا بس اللي صاحي
روحت صحيتهم كلهم 1f603:D
امي لما عرفت اني خلاص مسافر عيطت 1f641:(
يوم 7 أبريل روحت مكتب VFS Global في الدقي
معايا الباسبورت ونسخة من إيميل القبول وصورتين 5×7 خلفية بيضاء وقولته عايز الباسبورت يجيلي على البيت
ودفعت 119 جنيه
بعدها بيومين لاقيت مندوب أرامكس جيبلي ظرف كبير فيه الباسبور وعليه الفيزا وكمان ورقتين كبار كدة مهمين جدا اسمهم CoPR
Confirmation of Permanent Residence
الورقتين دول بتسلمهم لضابط الهجرة في المطار هناك في كندا لازم يكونوا معاك وانت مسافر
بس يا سيدي … وهي دي قصة حياتي 1f603:D
أتمنى تساعد كل المقدمين على خطوة الهجرة
عايز أقول ان المشوار من أوله كان فيه توفيق كبير جدا من ربنا ثم شوية تعب ومثابرة من ناحيتي
** كام نقطة سريعة كدة **

– مش مطلوب تأمينات لإثبات الخبرة
– خلي بياناتك على السوشيال ميديا ولينكد إن متوافقة مع اللي انت مقدمهلهم (وهما بيعملوا تحريات عنك بيشوفوا اكونتات السوشيال ميديا بتاعتك) في واحد اترفض وخد حظر 5 سنين عشان كان مقدملهم بيانات الشغل بتاعه مختلفة عن اللي هو كاتبه على لينكد إن
– ثبت الاسم الأول والأخير في كل ورقك (يعني انا في كل حاجة كاتب الاسم الأول “وليد رجب عيسى” والاسم الأخير “مصطفى”. ماينفعش آجي في حاجة تانية اكتب الاسم الأول “وليد” والأخير “رجب عيسى مصطفى”)
– لما تقدم إن شاء الله لازم تكون متابع إيميلك بشكل يومي عشان لما بيطلبوا ورق بيكونوا عايزينه خلال اسبوع
– انجز نفسك وماتضيعش وقت عشان مع الوقت المينيمم سكور عمال يعلى
بقلم : محمد عيسى

لمن يريد استشارة عاجلة او التواصل مع محامين ومستشارين يمكن التواصل مع خدمة المستشار القانوني من هنا

ضع ايميلك هنا:

Delivered by FeedBurner

هل لديك عقار أو شقة أو فيلا خالية في أي مكان بالعالم .. سجل من هنا لتعرضه لحجوزات المسافرين باليوم او الاسبوع او الشهر وأحصل على أكبر مقابل مالي .. سجل عقارك هنا

اضغط هنا للعودة للصفحة الرئيسية

error: Content is protected !!
%d مدونون معجبون بهذه: